Өлкән яшьтәге Чаллы халкының сәламәтлеген саклау мәсьәләләре түгәрәк өстәлдә каралды
16 декабрьдә Яр Чаллы шәһәренең «Ышаныч» халыкка социаль хезмәт күрсәтү комплекслы үзәге директоры урынбасары Лилия Вәлиева «Сәламәтлек саклау» темасына түгәрәк өстәлгә чакырылды. Чараның модераторы – «Табиб белән йөрү» сәламәтлек һәм скандинавия йөрү мәктәбе» программасы җитәкчесе, ТР атказанган табибы, «ТАНАР» клиникасының баш табибы урынбасары Александр Зотов.
Чарада шулай ук Сәламәтлек саклау идарәсе, Ветераннар советы, Физик культура һәм спорт идарәсе вәкилләре һ. б. катнашты.
Очрашуның максаты – гражданнарны, дәүләт һәм дәүләтнеке булмаган учреждениеләрне, хакимият органнарын «көмеш» яшьтәге гражданнарның сәламәтлеген һәм озын гомерлелеген саклау эгидасы астында берләштерү.
Лилия Вәлиева түгәрәк өстәлдә катнашучыларга «Демография» милли проектының «Өлкән буын» федераль проекты кысаларында өлкән яшьтәге гражданнарны һәм инвалидларны озак вакыт карау системасын гамәлгә ашыру, «Карау мәктәбе» һәм «Актив озын гомерлелек мәктәбе» технологияләре турында сөйләде.
Очрашу нәтиҗәләре буенча «Мәскәү озын гомерлелеге» проекты үрнәгендә «Яр Чаллыда көмеш озын гомерлелек» программасын, шулай ук «көмеш» яшьтәге гражданнарның сәламәтлеген саклау өчен җәлеп ителергә мөмкин булган шәһәрнең барлык оешмаларын берләштерә торган структураны булдыру турында тәкъдимнәр формалаштырылды.