«Ышаныч» үзәге махсус хәрби операция ихтыяҗлары өчен маскировка челтәрләрен ясауда ярдәм күрсәтте

2023 елның 14 декабре, пәнҗешәмбе

Яр Чаллы шәһәренең «Ышаныч» халыкка социаль хезмәт күрсәтү комплекслы үзәге хезмәткәрләре кабат махсус хәрби операция уздыру зонасында РФ Кораллы Көчләре ихтыяҗлары өчен маскировка челтәрләре үрү пунктына килделәр.

Маскировка челтәрен үреп ясау җиңел түгел, ләкин махсус күнекмәләр кирәкми – челтәрләрне үрүнең төп принципларын үтәү җитә. Татьяна Юрьевна практикада теге яки бу маскировка элементын ничек үреп ясарга кирәклеген күрсәтте.

Остаханә өчен теләсә нинди ярдәм бик кирәк һәм мөһим, шуңа күрә Татьяна Юрьевна «Ышаныч» комплекслы үзәгенә хезмәттәшлек өчен рәхмәт белдерде.

Шулай ук социаль хезмәт күрсәтү үзәге хәйрия акциясендә катнаша һәм хәрбиләргә 20 литрдан артык куертылган сөт тапшырды.