Кукмара районының «Шәфкать» мөмкинлекләре чикләнгән балалар һәм яшүсмерләр өчен тернәкләндерү үзәгендә логопед Гөлүсә Шәрипова ата-аналар өчен «Китапның тылсымлы дөньясы» дигән семинар-практикум уздырды. Чараның максаты – ата-аналарның педагогик грамоталылыгын арттыру.
Ата-аналар балалар әдәбиятын белү буенча ярыштылар, әкият иҗат иттеләр. Белгеч ата-аналарның бала өчен китапны ничек сайларга, баланы укырга ничек җәлеп итәргә дигән сорауларына җавап бирде.
Балалар өчен нейрогимнастика дәресен комплекслы тернәкләндерү буенча белгеч Фирүзә Яриева үткәрде.