«Яңарыш» үзәгендә тәрбияләнүчеләрне яңа һөнәргә өйрәтәләр

2023 елның 11 декабре, дүшәмбе

Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә «Тяп-Ляп» иҗат студиясе җитәкчесе Валентина Шарова «Мин сезгә үз якты дөньямны бүләк итәм» дигән мастер-класс үткәрде. Ул туку станогының ничек эшләвен күрсәтте һәм сөйләде, анда бик күп матур һәм кирәкле әйберләр ясап була.

Балалар останы сокланып тыңладылар һәм карадылар. Укыту процессында алар бу эшнең беренче карашка күренгәнчә җиңел булмавын аңладылар. Әмма һәркем эштә катнашты.