Тернәкләндерү һәм карау мәктәпләрендә өлкән яшьтәге гражданнарның һәм инвалидларның туганнарын укытуны дәвам итәләр
Озак вакыт карау системасын гамәлгә ашыру кысаларында Казанның Совет районында халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлегендә Тернәкләндерү һәм карау мәктәбендә дәрес үткәрделәр. Чарада социаль хезмәтләр алучы өлкән яшьтәге гражданнарның һәм инвалидларның туганнары катнашты.
Казанның 18 нче поликлиникасы Сәламәтлек үзәгенең табиб-терапевты Асия Вәлитова инсульт кичергән авыруларны өй шартларында карау үзенчәлекләре, гипертоник кризис вакытында ашыгыч ярдәм күрсәтү турында сөйләде. Дәрес барышында карау күнекмәләренә өйрәттеләр.
Тернәкләндерү һәм кайгырту мәктәбе дәресләре аз хәрәкәтләнүче гражданнарны карау белән шөгыльләнүчеләргә мәгълүмат, консультация бирү һәм укытуга гына түгел, ә аларга психологик ярдәм күрсәтүгә дә юнәлдерелгән.