Сукырларны тернәкләндерү үзәге хезмәткәрләре бөтенроссия конкурсында җиңү яулады

2023 елның 5 декабре, сишәмбе

1 декабрьдән 3 декабрьгә кадәр Пермьдә Бөтенроссия сукырлар җәмгыятенең «Безнең региональ – шундый уникаль» тернәкләндерү конкурсы узды. Чарада Россиянең төрле төбәкләреннән 11 команда катнашты.

9 конкурс биремен үтәү нәтиҗәләре буенча җиңүчеләр билгеләнде. Беренче урынны Татарстан командасы алды, анда Республика сукырларны һәм начар күрүчеләрне социаль тернәкләндерү үзәге хезмәткәрләре керде: директор Антон Агафонов, социаль педагоглар Марина һәм Алексей Пижонковлар.