Озак вакыт карау системасы белән 6 меңнән артык татарстанлыны колачланган
2019 елдан Татарстан Республикасында «Демография» милли проекты кысаларында өлкән яшьтәге гражданнарны һәм инвалидларны озак вакыт карау системасын булдыру буенча пилот проект гамәлгә ашырыла.
Озак вакыт карау системасын булдыруда 83 социаль хезмәт күрсәтү учреждениесе һәм 93 медицина оешмасы катнаша. 2023 елның 1 сентябренә озак вакыт карау системасы хезмәтләре белән 6 259 кеше колачланган (озак вакыт карауга мохтаҗларның 33,1 %).
Барлык озак вакыт карау хезмәтләре алучылар өчен шәхси планнар эшләнгән, анда проблемалар, булган ресурслар чагылдырылган, чараларның исемлеге язылган. Медицина һәм социаль хезмәткәрләрнең уртак патронажы оештырыла.
2021 елның 15 июненнән республикада озак вакыт карау системасына кертелгән өлкән яшьтәге гражданнар һәм инвалидлар өчен бушлай социаль пакет бирү каралган. Бу өлкән яшьтәге кешенең (инвалидның) чит кеше каравына мохтаҗлык дәрәҗәсенә карап күрсәтелә торган карау буенча хезмәтләрнең билгеле бер җыелмасы.