Олы яшьтәге Югары Осланлылар деменцияне профилактикалау өчен күнегүләр ясыйлар
Деменцияне профилактикалау айлыгы, шулай ук озак вакыт кайгырту системасын гамәлгә ашыру кысаларында Югары Ослан районының «Өмет утравы» халыкка социаль хезмәт күрсәтү комплекслы үзәгенең социаль хезмәткәрләре өйдә социаль хезмәтләр алучылар белән игътибар, хәтер һәм фикерләүне күнектерү өчен төрле күнегүләр үткәрәләр. Мондый файдалы күнегүләрнең берсе – синхрон язу, ягъни берьюлы ике кул белән рәсем ясау. Мондый язу баш миен бер үк вакытта берничә эшне башкарырга өйрәтә, ике ярымшарның да эшчәнлеген активлаштыра, бу психик процессларның тизлеген арттыра.
Вак моториканы ныгыту һәм хәрәкәтләрне координацияләүне яхшырту максатыннан өлкән яшьтәге кешеләр бармак гимнастикасы комплексын һәм су-джок массажерлары белән күнегүләр башкаралар. Барлык күнегүләр дә гади һәм махсус әзерлек таләп итми.