Көндезге тору бүлегендә социаль-көнкүреш күнекмәләренә өйрәтәләр
Зәй муниципаль районының «Шатлык» халыкка социаль хезмәт күрсәтү комплекслы үзәгендә «Демография» милли проектының «Өлкән буын» федераль проекты кысаларында өлкән яшьтәге гражданнарны һәм инвалидларны озак вакыт карау системасын булдыру буенча программаны гамәлгә ашыру дәвам итә.
Көндезге тору бүлегендә тәрбияләнүчеләрнең социаль-көнкүреш һәм социаль-мохит адаптациясе буенча дәресләргә аерым игътибар бирелә. Социаль-көнкүреш адаптациясе – кешенең яңа яшәү шартларына, шул исәптән җәмгыятьтә үз-үзен тотышының яңа кагыйдәләренә һәм нормаларына җайлашу процессы. Кер юу – социаль-көнкүреш адаптациясенең бер ягы, чөнки кешеләр киемнәрне ничек дөрес юарга икәнен белергә тиеш. Нәкъ менә шуңа күрә социаль-тернәкләндерү чараларының чираттагы блогы кул һәм машина белән кер юуның теоретик һәм практик өлешенә багышланган иде.
Дәресләрдә социаль хезмәтләр алучылар тукымаларның төп төрләрен һәм аларны юу үзенчәлекләрен өйрәнделәр, төрле тукыма төрләрен карау кагыйдәләре, кер юу техникасы, шулай ук автомат кер юу машинасы белән эшләгәндә куркынычсызлык техникасы белән таныштылар.
Практикумнарда бүлек тәрбияләнүчеләре кул һәм машина белән кер юу буенча алган белемнәрен ныгыттылар.