Менделеевск районында гаиләләр өчен бәйрәм оештырылды

2023 елның 10 июле, дүшәмбе

8 июльдә Менделеевск районындагы «Өмет яры» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре социаль хезмәтләр алучылар өчен «Бөтен гаилә белән күңел ачабыз» дигән бәйрәм чарасы оештырдылар.

Конкурс-уен программасы үзәк территориясендә узды. Белгечләр балаларны һәм аларның әти-әниләрен бәйрәмнең барлыкка килү тарихы белән таныштырдылар, кызыклы биремнәр белән конкурслар үткәрделәр. Ата-аналар балалары белән бергә конкурсларда актив катнаштылар, викторина сорауларына җавап бирделәр. Чара ромашкадан такыя үрү буенча мастер-класс белән дәвам итте. Ахырда фотосессия оештырдылар.

Чараның максаты – гаиләгә җаваплы мөнәсәбәт тәрбияләү.