Татарстанда хезмәт мигрантларының яртысыннан артыгы төзелеш өлкәсендә эшли
2023 елның 1 июненә Татарстан Республикасы территориясендә 71 861 чит ил гражданы яши, аларның миграция исәп-хисабы гамәлдә. 15 483 чит ил гражданы вакытлыча яшәү рөхсәте һәм яшәү рөхсәте нигезендә яши. Шулай итеп, республикада 87 344 чит ил гражданы һәм гражданлыгы булмаган затлар яши.
Мигрантларның төп максатларының берсе – эшкә урнашу мөмкинлеге. 2023 елның 5 аенда оешмаларга һәм предприятиеләргә 43 чит ил хезмәткәрен җәлеп итү һәм хезмәтен куллануга 26 рөхсәт рәсмиләштерелгән.
2023 елның 1 июнендә 3 387 предприятие, оешма һәм шәхси эшмәкәрләр чит ил хезмәткәрләрен җәлеп итә, шул исәптән 50 эш бирүчегә визалы керү тәртибе булган илләрдән чит ил хезмәткәрләрен җәлеп итәргә рөхсәт бирелгән.
Агымдагы елның 5 аенда чит ил гражданнарына 225 эшкә рөхсәт бирелгән. Рөхсәтләр 21 ил гражданнарына рәсмиләштерелгән, иң күбе Төркия – 74 (32,9 %), Кытай 89 (39,5 %) һәм Төркмәнстан 15 (6,7 %) гражданнарына.
Эшкә рөхсәтләр түбәндәге тармакларда хезмәт эшчәнлеген гамәлгә ашыру өчен рәсмиләштерелгән:
- төзелеш – 114 (50,7 %);
- эшкәртү җитештерүе – 44 (19,6 %);
- коммуналь һәм социаль хезмәтләр – 22 (9,8 %);
- җәмәгать туклануы – 23 (10,2 %);
- мәдәният һәм спорт – 12 (5,3 %);
- белем алу – 3 (1,3 %);
- күпләп һәм ваклап сату, автотранспорт чараларын, көнкүреш әйберләрен ремонтлау – 5 (2,2 %);
- сәламәтлек саклау –1 (0,4 %);
- транспорт – 1 (0,4 %).