Арча районында социаль хезмәтләр алучылар командалары арасында мини-футбол буенча ачык турнир узды
30 июньдә Яңа Чүриле психик тайпылышлары булган гражданнар өчен билгеләнгән интернат-йорты базасында психик тайпылышлары булган гражданнар өчен билгеләнгән интернат-йортларда социаль хезмәтләр алучылар командалары арасында мини-футбол буенча ачык турнир узды. Чараны Татарстан Республикасы Хезмәт, халыкны эш белән тәэмин итү һәм социаль яклау министрлыгы һәм Министрлыкның Республика ресурс үзәге оештырды.
Сәламләү сүзләре белән турнирны Арча муниципаль районы Башкарма комитеты җитәкчесе Ренат Гатиятов һәм ТР хезмәт, халыкны эш белән тәэмин итү һәм социаль яклау министры урынбасары Юлия Абдреева ачтылар. Алар барлык катнашучыларга кызыклы ярышлар һәм көчле көндәшләр теләделәр.
Төп кубок өчен Татарстан Республикасының психик тайпылышлары булган гражданнар өчен билгеләнгән интернат-йортларыннан алты команда көрәште: Алабуга, Яшел Үзән, Казан, Яңа Чүриле, Чистай һәм Кама Аланы учрежденияләре.
Турнир бик мавыктыргыч һәм кызыклы килеп чыкты. Ярышлар нәтиҗәләре буенча беренче урынны Яшел Үзән психик тайпылышлары булган гражданнар өчен билгеләнгән интернат-йорты командасы алды. Икенче урынны Казан учреждениесе алды, 3 урынны Алабуга командасы алды.
Турнир бүләкләү тантанасы белән тәмамланды. Командаларның иң яхшы уенчылары дипломнар һәм «Иң яхшы уенчы» медальләре белән билгеләнде. Турнирның җиңүчеләре һәм призерлары кубоклар, дипломнар һәм кыйммәтле бүләкләр белән бүләкләнде.
