Казанда «Җитештерүчәнлек 360» форумы узачак

2023 елның 3 июле, дүшәмбе

«Хезмәт җитештерүчәнлеге» милли проектын гамәлгә ашыру кысаларында 2023 елның 20–21 июлендә Казан шәһәрендә «Җитештерүчәнлек 360» V Федераль форумы узачак.

Чараны Россия Икътисадый үсеш министрлыгы, «Хезмәт җитештерүчәнлеге өлкәсендә компетенцияләр федераль үзәге» коммерциячел булмаган автоном оешмасы һәм Татарстан Республикасы Хөкүмәте оештыра.

Форумның төп максаты – Россия Федерациясе икътисадының төп чимал булмаган тармакларында төбәкара дәрәҗәдә хезмәт җитештерүчәнлеген арттыру өлкәсендә экспертлар һәм лидерлардан тәҗрибә алмашу һәм иң яхшы практикаларны тиражлау өчен мәйданчык оештыру.