Социаль хезмәт күрсәтү учреждениеләре «Игелек сакчылары» проектында катнаша
«Иреклеләр – балаларга» XII Бөтенроссия акциясенең «Игелек сакчылары» проекты дәвам итә.
16 майда Әлмәт муниципаль районының «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль хезмәт күрсәтү бүлегенең балигъ булмаган балалары балалар йорты тәрбияләнүчеләре һәм бүлек белгечләре белән берлектә кул астындагы материаллардан саклаучы фәрештәләр әзерләделәр. Чарада 6 кеше катнашты.
Проектка шулай ук Менделеевск районындагы «Кама таңнары» балалар һәм яшүсмерләр өчен социаль приюты тәрбияләнүчеләре дә кушылды. Мастер-класста катнашучылар гипс фигуралары ясадылар. Әзерләнгән сувенирлар гуманитар ярдәм белән посылкаларга салыначак һәм махсус хәрби операция уздыру зонасына җибәреләчәк.
Лениногорск районында «Исток–Башлангыч» халыкка социаль хезмәт күрсәтү комплекслы үзәге базасында эшләүче «Волонтер» үзәге әгъзалары бөтенроссия акциясендә актив катнашуларын дәвам итәләр.