Яр Чаллыда эшсезләр өчен тренинг үткәрделәр
Эшкә кабул итүдән баш тарту куркыныч түгел. Потенциаль эш бирүче белән аралашу тәҗрибәсе бик файдалы. Ләкин эш бирүче белән булачак әңгәмәләрдә моны исәпкә алу өчен, аның нинди сәбәпле баш тартуын белү мөһим. Яр Чаллы шәһәренең «Россия эше» кадрлар үзәге белгечләре шулай уйлый. Нәкъ менә шуңа күрә карьера үсеше, һөнәри күнекмәләрне үстерү һәм саклау бүлегенең әйдәп баручы профконсультанты Людмила Хазова эшсез гражданнар өчен тренинг үткәрде.
Чарада катнашучылар эшкә кабул итүдән баш тартуның иң киң таралган сәбәпләре һәм әңгәмә вакытында дәгъвачыларның төп хаталары белән таныштылар. Һәркем үз эшен эзләүнең шәхси планын төзеде.
Уен барышында катнашучылар үзләрен потенциаль эш бирүчегә тәкъдим итү күнекмәләрен өйрәнде. Уенның максаты эш бирүче күзлегеннән әңгәмә процессына карау, әңгәмәнең максатларын һәм бурычларын эш бирүче һәм дәгъвачы күзлегеннән аңлау, шулай ук әңгәмә узу күнекмәсен алу иде.
Тренингта катнашучылар интервьюга җентекләп әзерләнүнең мөһимлеген аңладылар һәм әңгәмәдә үз-үзеңне тотышны алдан уйлау һәм үз кандидатураң файдасына аргументлар әзерләү кирәк дигән нәтиҗәгә килделәр.