Китап терапиясе – өлкән кешеләр белән эшләүнең эффектив ысулы

2023 елның 10 мае, чәршәмбе

Минзәләнең өлкәннәр һәм инвалидлар өчен интернат-йортында китап терапиясе актив кулланыла. Учреждение китапханәсендә төрле жанрдагы һәм юнәлештәге китаплар бар. Белгечләр бу терапияне яшәүчеләрнең сәламәтлеген һәм эмоциональ халәтен торгызуның нәтиҗәле ысулы буларак кулланалар. Пациентның халәтенә карап, ул үзе кызыксындырган теләсә нинди китапны үзе укый ала.

Аз хәрәкәтләнүче гражданнарга китапларны шәфкать туташлары укый. Мондый социаль хезмәт алучылар төркемнәрдә кычкырып укуны бик яраталар. Башта китап укыйлар, ә аннан соң барысы бергә укыганнары анализлыйлар һәм фикер алышалар.

Сөйләме бозылган кешеләр өчен бу сөйләм аппаратын торгызу өчен искиткеч мөмкинлек.