Кукмара районы кадрлар үзәгендә вакантлы эш урыннары ярминкәсе уздырылды
29 мартта Кукмара районының «Россия эше» кадрлар үзәгендә «Бердәм Россия» белән минем карьерам» проектының уртак чаралар планы кысаларында вакансияләр ярминкәсе узды.
Катнашучыларга түбәндәге вакансияләр тәкъдим ителде: социаль хезмәткәр, социаль эш буенча белгеч, психолог, эш алып баручы, почтальон, элемтә операторы, төрле эшләр башкаручы һ. б.
Катнашучылар шәһәр предприятиеләрендә һәм оешмаларында буш эш урыннары һәм вакантлы вазыйфалар турында мәгълүмат алдылар, ярминкәдә катнашучы предприятиеләрнең кадрлар хезмәтләре вәкилләре белән очрашу мөмкинлегеннән файдаландылар, шулай ук хезмәт һәм мәшгульлек турындагы законнар, «Россия эше» порталы мөмкинлекләре буенча консультацияләр алдылар. Шулай ук кадрлар үзәге белгечләре дәгъвачыларга мәшгульлек хезмәте күрсәткән хезмәтләр, шул исәптән һөнәри белем бирү хезмәтләре турында сөйләделәр.
Вакансияләр ярминкәсендә 20 кеше, шулай ук Кукмара районының 4 предприятиесенең кадрлар хезмәте вәкилләре катнашты.