Зәйдә социаль хезмәтләр алучылар «Хыялдагы чаңгылар» акциясенә кушылды
15 мартта Зәй шәһәренең урман массивында ел саен үткәрелә торган ведомствоара «Хыялдагы чаңгылар» хәйрия акциясе узды. «Шатлык» халыкка социаль хезмәт күрсәтү комплекслы үзәге белгечләре, физик культура һәм спорт идарәсе, яшьләр эшләре идарәсе хезмәткәрләре яшь социаль хезмәт алучылар өчен урман массивына бару оештырдылар.
Чара программасына чаңгыда һәм кар машиналарында шуу, Олимпия чемпионы Ф. П. Симашев исемендәге спорт мәктәбенә бару, тренер-укытучы һөнәре белән танышу кертелгән иде.
Балалар маҗарасы чаңгы базасына барудан башланды. Спорт мәктәбе директоры Юрий Худяков балаларны чаңгычы-узышчыларның җиһазлары, трасса белән таныштырды. Һәр бала чаңгы җайланмасында трассага чыкты. Тәҗрибәле тренер балаларга чаңгы шуу серләрен сөйләде. Аннары балалар кар машинасында йөрделәр. Финишта катнашучыларны кайнар чәй көтә иде.
Аннары акциядә катнашучылар автобуста спорт мәктәбенә юл тоттылар. Балаларны шәһәрдә һәм районда чаңгы спорты үсеше тарихы, мәктәпнең тренерлар составы, чаңгычыларның кышкы һәм җәйге җайланмалары белән таныштырдылар. Балалар шулай ук тренер-укытучы булыр өчен кайда белем алырга кирәклеген белделәр.