«Кайгырту» социаль приютында халык бәйрәме уздырдылар

2023 елның 28 феврале, сишәмбе

26 февраль көнне Алексеевскиның «Кайгырту» балалар һәм яшүсмерләр өчен социаль приютында тәрбиячеләр Елена Зверева, Наталья Корнева һәм Алексей Шатков халык бәйрәме уздырдылар. Чара балаларны рус халык фольклорына һәм гореф-гадәтләренә тарту, үз халкыңның мәдәниятенә мәхәббәт тәрбияләү максатыннан оештырылды.

Приютта тәрбияләнүчеләрнең барысы да Май чабу бәйрәмендә актив катнаштылар. Ачык һавада балалар җырлар җырладылар, әйлән-бәйлән һәм халык уеннары уйнадылар. Бәйрәм коймак белән чәй эчү белән тәмамланды.