Югары Ослан интернат-йортында яшәүчеләр сугышчылар өчен открыткалар ясадылар
Югары Ослан өлкәннәр һәм инвалидлар өчен интернат-йортында Ватанны саклаучылар көненә әзерлек алдан ук башланды. Учреждениедә чаралар сериясен махсус хәрби операциягә багышларга булдылар.
Бәйрәм открыткалары ясаудан башладылар, алар аннары гуманитар йөк җыю пунктына тапшырылачак. Интернат-йортта яшәүчеләр һәрвакыт махсус хәрби операция барышы белән кызыксына, безнең сугышчылар өчен борчыла. Алар үз куллары белән матур бүләкләр ясарга теләк белдерделәр. Югары Осланда хезмәт итүче якташлар белән тыгыз элемтә җайга салынган, шуңа күрә открыткалар, һичшиксез, адресатларга барып җитәчәк.
Хезмәт буенча инструктор Наталья Котова җитәкчелегендә «Иҗат шатлыгы» түгәрәгендә катнашучылар открыткалар ясадылар. Интернат-йортта яшәүче ир-атларны да игътибарсыз калдырмаячаклар. Аларга бүләкләрне 23 февральдә бәйрәм концерты вакытында тапшырачаклар.
