«Волонтер» үзәге балалары Ленинград блокадасында яшәгән әби янына барып кайттылар

2023 елның 31 гыйнвары, сишәмбе

Ленинградны фашистлар блокадасыннан тулысынча азат итү көне уңаеннан Лениногорск муниципаль районы «Исток–Башлангыч» халыкка социаль хезмәт күрсәтү комплекслы үзәге базасында эшләп килүче «Волонтер» үзәге балалары Радия Гәрәевада булдылар.

Радия Ахун кызы волонтерлар белән шул катлаулы вакыт турындагы хатирәләре белән уртаклашты. Блокада вакытында аңа 5 яшь булган. «Сугыштан куркыгыз! Бу кеше белән булырга мөмкин иң куркыныч нәрсә. Тынычлыкны, якыннарыгызны саклагыз һәм бүгенге тынычлык нинди югалтулар аша табылганын онытмагыз», – диде Радия Ахун кызы.

Әңгәмәдән соң өлкән кеше балаларның барлык сорауларына җавап бирде. Шулай ук волонтерлар кулдан килгәнчә ярдәм күрсәттеләр – чүп чыгардылар һәм кибеткә барып кайттылар.