Биектаулылар балалар ышаныч телефоны ни өчен кирәклеген белде
13 декабрьдә Биектау районы «Өмет» халыкка социаль хезмәт күрсәтү комплекслы үзәге психологы Алия Нигъмәтҗанова «Балалар ышаныч телефоны» дигән интерактив мультимедиа дәресе үткәрде. Чарада социаль хезмәтләр алучы балигъ булмаганнар катнашты.
Дәрес яшүсмерләргә балалар ышаныч телефоны эше турында хәбәр итүгә юнәлдерелде. Катнашучылар 8 800 200 0122 телефоны аша нинди проблемалар белән мөрәҗәгать итәргә мөмкин икәнлеген белделәр. Мөрәҗәгать буенча сөйләшүнең анонимлыгы һәм конфиденциальлеге гарантияләнәчәк, шулай ук психологлар тарафыннан профессиональ ярдәм күрсәтеләчәк, дип аңлатылды. Болар барысы да Россиянең бөтен территориясендә бар.
Дәрес ахырында балигъ булмаганнар «Үз-үзеңә хөрмәтне ничек арттырырга» дигән буклетлар алдылар һәм тәэсирләре белән уртаклаштылар.