«Яңарыш» үзәгендә «Мин сиңа кулымны сузачакмын» дигән танып белү чарасы узды
6 декабрьдә Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә Үзәк балалар китапханәсе белән ведомствоара хезмәттәшлек кысаларында «Мин сиңа кулымны сузачакмын» дигән танып белү чарасы уздырдылар. Аның максаты – гомумкешелек кыйммәтләрен формалаштыру: игелек, якыннарыңа игътибар, шәфкатьлелек һәм толерантлык.
Чара кысаларында игелекле сүзләр һәм гамәлләр турында сөйләштеләр, балаларның игътибарын әдәпле сүзләр һичшиксез игелекле эшләр белән туры килергә тиешлегенә юнәлттеләр. Мөмкинлекләре чикле кешеләр турында да сөйләштеләр. Кыенлыкларга карамастан, алар актив тормыш рәвеше алып баралар, конкурсларда һәм фестивальләрдә катнашалар, спорт ярышларында яхшы нәтиҗәләр күрсәтәләр, төрле һөнәрләрне үзләштерәләр.