Татарстанда 2 оешма хезмәт хакы буенча бурычларын түләгән
ТР Хезмәт, халыкны эш белән белән тәэмин итү һәм социаль яклау министрлыгы дәүләт һәм җирле үзидарә органнары, контроль-күзәтчелек, хокук саклау, салым органнары белән берлектәге эшчәнлеген дәвам итә. Бу хезмәттәшлек эш кешеләренең хезмәт хокукларын саклауны, атап әйткәндә, тулы хезмәт хакын үз вакытында бирдертүдән гыйбарәт.
Республика халкының тормыш дәрәҗәсен күтәрү, хезмәт, чит ил хезмәткәрләрен җәлеп итү ведомствоара комиссиясе һәм республиканың социаль-хезмәт мөнәсәбәтләрен көйләү комиссиясе карамагындагы хезмәткә түләү, керем һәм халыкның яшәү дәрәҗәсе буенча координация советы катнашында Татарстан предприятияләрендә хезмәт хакы бурычлары кайтарыла. Казан шәһәре һәм Лениногорск районы оешмаларында хезмәт хакы буенча бурыч өлешчә түләнде.
Шулай итеп, Казан шәһәре «Энергострой-73» ҖЧҖ 7 хезмәткәргә 72,9 мең сум акча түләгән.
Лениногорск районының «Спецстройсервис» ҖЧҖ 798 хезмәткәр алдында 4 795,4 мең сумлык бурычны каплаган.