«Хыял» социаль приютында янгын куркынычсызлыгы буенча дәрес үткәрделәр

Аксубай районының «Хыял» балалар һәм яшүсмерләр өчен социаль приютында тәрбияләнүчеләр белән янгын куркынычсызлыгы таләпләрен бозуны профилактикалау программасын тормышка ашыру кысаларында «Янгын – ул куркыныч» дигән чара уздырдылар.

Тәрбияче Алсу Сибгатуллина балаларга «Шырпы һәм яхшы ут турында» дигән әкият укыды. Аны тыңлап, балалар янгын чыгу сәбәпләре турында белделәр. Балалар, рәсемнәр карый-карый, әкият турында актив фикер алыштылар. Шулай ук аларга янгын вакытында куркынычсыз тотыш кагыйдәләре һәм төрле гадәттән тыш хәлләр килеп чыкканда гамәлләр турында искә төшерделәр.