Яшел Үзәндә эшсез гражданнар үз бизнес-планнарын якладылар

2022 елның 24 октябре, дүшәмбе

Яшел Үзән шәһәренең халыкны эш белән тәэмин итү үзәгендә эшсез гражданнарның бизнес-планнарын бәяләү буенча экспертлар советының чираттагы утырышы узды.

Эшчәнлекнең түбәндәге төрләре буенча ике бизнес-план каралды: күчмә диагностика, автосайлау һәм транспорт чараларына техник экспертиза күрсәтү һәм эчке кием тегү буенча хезмәт күрсәтү. Ике проект та экспертлар советы тарафыннан хупланды, ә гражданнар салым инспекциясендә теркәлү мәсьәләләре буенча консультацияләр алдылар.

Килешүгә кул куйганнан һәм салым инспекциясендә теркәлгәннән соң, гражданнарга бизнес-планны тормышка ашыруга бер тапкыр бирелә торган 145 100 сум күләмендә финанс ярдәме күрсәтеләчәк.