Буа интернат-йортында «Мода 70+» дигән чара узды

2022 елның 11 октябре, сишәмбе

Өлкәннәр декадасын йомгаклап, Буаның өлкәннәр һәм инвалидлар өчен интернат-йортында «Мода 70+» дигән чара уздырдылар. «Көмеш» яшьтәге биш модель подиум аша узды. Барлык кыяфәтләр дә зәвыклы һәм бик матур иде.

«Мин үземне модель ролендә сынап карарга күптән хыялландым. Интернат-йортта күрсәтмә оештыруларын белгәч, шунда ук үземне сынап карарга килдем. Матурлыкны, гармонияне яратам, матур кием кияргә һәм образларга акцент-аксессуарларны сайлап алырга яратам», – дип кичерешләре белән уртаклаша модельләрнең берсе Татьяна Незванова.

Дефилене карарга күп кенә интернат-йортта яшәүчеләр килде.