Буа интернат-йорты карамагындагылар парта артына утырды
Бүген Укытучылар көне билгеләп үтелә. Буаның өлкәннәр һәм инвалидлар өчен интернат-йортында яшәүчеләр арасында төрле һөнәр ияләре бар. Валентина Никитцова, әйтик, гомерен балаларны укытуга багышлаган – ул 25 ел Ленинград өлкәсенең район мәктәпләренең берсендә математика укытучысы булып эшләгән.
Укытучылар көнендә хезмәт буенча инструктор Динә Тимофеева һәм психолог Светлана Айметова өлкәннәр өчен импровизацияләнгән уку көне оештырдылар. Валентина Никитцова укытучы булды. Социаль хезмәтләр алучылар парта артында утырдылар, укыдылар, мисаллар чиштеләр, такта янына чыктылар һәм урыннан җавап бирделәр. Шулай ук Валентина Александровна математик диктант үткәрде.
Ахырда барысы да яраткан укытучыларын һәм мәктәп елларын искә төшерделәр.
Шунысын билгеләп үтәргә кирәк, Валентина Александровна әлегә кадәр педагогик белемнәрен куллана һәм үз тәҗрибәсе белән учреждение тәрбиячесе белән уртаклаша.
