Югары Ослан интернат-йортында өлкәннәр «Әдәби утырыш»та очрашканнар
Югары Ослан өлкәннәр һәм инвалидлар өчен интернат-йорты базасында социаль тернәкләндерү белгече Альбина Ганина җитәкчелегендә «Әдәби утырыш» түгәрәге эшли.
Түгәрәккә 8 кеше йөри, шул исәптән дүрт озак вакытлы карауга мохтаҗ кеше. Түгәрәкнең барлык катнашучылары да уку сөючеләр. Алар арасында 92 яшьлек тыл хезмәтчәне Лиса Отставнова да бар. Белгечләрнең максатчан эше нәтиҗәсендә ул олы яшьтә булуына карамастан, тормышка кызыксыну саклап калган.
Клубның чираттагы дәресе темасы хәзерге язучы һәм блогер О. Савельеваның «Венеция» хикәясе булды. Альбина Ганина әсәрне укыды, аннары фикер алышу булды. Түгәрәктә катнашучыларны хикәянең лейтмотивы – кызгану, кешеләргә карата игелекле мөнәсәбәт җәлеп итте. Өлкәннәр хикәядән алган тәэсирләре белән уртаклаштылар һәм автор күтәргән проблемалар турында фикер алыштылар.
Белгеч сүзләренә караганда, китап уку социаль хезмәтләр алучыларның хәтерен һәм фикерләвен ныгыта, фикерләрне аңлаешлы белдерү сәләтен үстерә, позитивлыкка өнди һәм әйләнә-тирә дөнья вакыйгаларына кызыксыну уята.