Лениногорск районында «Кояшлы кешеләр» акциясе узды
19 март көнне Лениногорск районы «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе социаль педагогы Оксана Лямова «Кояшлы кешеләр» акциясе үткәрде. Акциянең максаты – балигъ булмаганнарның Даун синдромы булган кешеләр турында хәбәрдарлыгын арттыру, эмпатия, кызгану һәм мохтаҗларга ярдәм итәргә әзерлеген үстерү.
Бөтендөнья Даун синдромы белән авыручылар көне алдыннан балалар педагог белән бергә якты кояш сурәтләнгән үзенчәлекле плакат ясадылар. Катнашучылар кояш нурларына яхшы сүзләр язды.
Иҗат эшен тәмамлап, педагог балаларга һәркемгә сизгер һәм игътибарлы булырга кирәклеген искәртте. Аңлау һәм ярдәм барлык кешегә кирәк, бу үзеңне җәмгыятьнең бер өлеше итеп тоярга һәм иң яхшы сыйфатларны ачарга ярдәм итә.