Алабуга өлкәннәр һәм инвалидлар өчен интернат-йортында яшәүчеләр халык кәсепләре белән танышкан
Шушы көннәрдә Казан федераль университетының Алабуга филиалының инженер-технология факультеты студентлары һәм укытучылары Алабуга өлкәннәр һәм инвалидлар өчен интернат-йортта яшәүчеләр өчен «Стилизацияләнгән сәнгать картинасы» дигән мастер-класс үткәргәннәр.
Мастер-класс барышында өлкәннәр хохлома бизәге һәм гжель белән таныштылар, бу техникада йөрәкләр рәвешендәге агач кисәкләрен буядылар. Барысы да зур рәхәтлек белән эшләделәр, буяуны үрнәк контурына нечкә каләм белән ясадылар. Кемдер гжель, кемдер – хохломаны сайлаган, ә кемдер икешәр эш эшләргә өлгергән. Буяулар кипкәч, буялган йөрәкләрне акрил лагы белән каплаячаклар һәм күргәзмәдә интернат-йортта урнаштырачаклар.
Халык һөнәрчелеге темасы өлкәннәрдә зур кызыксыну уятты, шуңа күрә киләсе чарада хохлома бизәгенә тулырак тукталдылар. Хезмәт буенча инструктор Светлана Исмәгыйлова кәсепчелекнең барлыкка килү тарихы, хохлома белән бәйле осталар исемнәре, төп төсләр, картинаның төрләре турында сөйләде. Яшәүчеләргә бу техникада эшләнгән эшләнмәләр: Семеново матрешкалары, агач такталар, кашыклар күрсәтелде.
Чара өлкәннәргә бик ошады. «Яңа һәм мавыктыргыч әйберләр белдек, осталарыбыз өчен куанып кайттык, нинди матурлык!», – дип хис-кичерешләре белән уртаклашты социаль хезмәт алучылар.