«Помидорлар» һәм «Баклажаннар» «Кояшкай» үзәгендә ярыштылар

2022 елның 12 сентябре, дүшәмбе

Яр Чаллының «Кояшкай» мөмкинлекләре чикле балалар һәм яшүсмерләр өчен тернәкләндерү үзәгендә «Яшелчәдән фреш» дигән күңелле стартлар узган. Анда 42 реабилитант һәм аларның әти-әниләре катнашты.

Катнашучылар, «Помидорлар» һәм «Баклажаннар» дигән 2 командага бүленеп, тизлек, җитезлек һәм зирәклек өчен «Яшелчәләр җыегыз», «Бәрәңгене күчерегез», «Винегрет ясагыз» ярышларында катнаштылар, шулай ук серләрне чишүдә үз осталыкларын күрсәттеләр.

Соңыннан барлык катнашучылар һәм кунаклар татлы бүләкләр алдылар.