«Кама таңнары»нда кунакта «Арена Добра» фонды

2022 елның 6 сентябре, сишәмбе

Менделеевскиның «Кама таңнары» балалар һәм яшүсмерләр өчен социаль приютында «Арена Добра» фонды вәкилләре булып китте.

Визит кысаларында кунаклар балалар белән аралаштылар һәм приютта тәрбияләнүчеләргә спорт инвентаре бүләк иттеләр: футбол, волейбол туплары, дартс. Балалар спорт уеннары уйнарга һәм эстафеталарда катнашырга яраталар икән. «Кама таңнары» карамагындагы балаларга спорт бүләкләре бик ошады.

Приют җитәкчелеге «Арена Добра» фондына авыр тормыш хәлендә калган балаларга битараф булмаганнары өчен рәхмәт белдерә.