«Астра»да «Сенсория» барлыкка килде
Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәгендә «Инвалидларны, шул исәптән инвалид балаларны комплекслы тернәкләндерү һәм реабилитацияләү системасын формалаштыру» төбәк ярдәмче программасы кысаларында сатып алынган яңа тернәкләндерү җиһазлары урнаштырылган.
«Сенсория» заманча күп функцияле интерактив комплекс үз эченә өч юнәлешне ала: диагностика, тренировка, уен-практика.
Программа белән тәэмин итү онлайн-режимда баланың уңышлары динамикасы статистикасын формалаштырырга мөмкинлек бирә. Белгечләр баланың үсеш дәрәҗәсен һәм нәтиҗәләрен автомат рәвештә күзәтеп тора.
Россия IT-белгечләре командасы Пермь, Мәскәү һәм Санкт-Петербургтан «Астра» белгечләре өчен инновацион программа продуктында эшләү буенча өч көнлек укыту уздырды.
«Сенсория» нозология һәм яшь буенча балалар төркемнәрен формалаштырырга мөмкинлек бирә.
Стенага проектлана торган мавыктыргыч сенсор уеннары һәм күнегүләр ярдәмендә күп санлы тернәкләндерү бурычлары үтәлә – хәрәкәт күнекмәләрен өйрәнүдән алып баланың югары психик функцияләрен үстерүгә кадәр.