«Өмет» үзәге карамагындагылар катамараннарда йөрде

2022 елның 26 августы, җомга

Биектау «Өмет» халыкка социаль хезмәт күрсәтү комплекслы үзәге социаль хезмәт алучылар өчен катамараннарда мавыктыргыч сәяхәт оештырганнар.

Җәйге каникулларның соңгы эссе көннәрендә балалар белән гаиләләр Казанның үзәгендә урнашкан Түбән Кабан күленең суын карап хозурлану мөмкинлегенә ия булдылар.

Балалар танылган күл буйлап йөреп, судан тарихи Казанга карап кына калмадылар – алар уңай эмоцияләр алдылар, бу озак вакытлар яхшы кәефнең нигезе булып тора һәм физик халәтне ныгытырга ярдәм итә.

«Тагын бер кат «Альпари» хәйрия фондына балаларыбызга шушы сәяхәт өчен дә, безнең үзәккә берничә тапкыр ярдәм күрсәткәннәре өчен дә рәхмәт белдерәбез. Без алга таба да хезмәттәшлеккә өметләнәбез», – дип ассызыкладылар «Өмет» үзәгендә.