«Исток-Башлангыч»: «Лениногорск – минем яраткан шәһәрем»

2022 елның 19 августы, җомга

Лениногорск районы «Исток-Башлангыч» халыкка социаль хезмәт күрсәтү комплекслы үзәге базасында эшләп килүче «Волонтер» үзәге «Лениногорск – минем яраткан шәһәрем» дигән рәсем конкурсында катнашты.

Бәйге Шәһәр көненә багышланган иде. Балалар үз рәсемнәрендә туган шәһәрләреннән алган хис-кичерешләре белән уртаклаштылар һәм үзләренең сәнгать эшләре аша Лениногорскка мәхәббәтне күрсәттеләр.

Һәр рәсем үзенчә матур, кызыклы һәм уникаль килеп чыкты.

Иң матур эшләр 2022 елның 5 декабрендә узачак Волонтер көнендә грамоталар һәм бүләкләр белән бүләкләнәчәк.