Татарстан җыелма командасы өстәл теннисы буенча ярышларда уңышлы чыгыш ясады
11–15 март көннәрендә Пензада Россия Федерациясе Спорт министрлыгы ярдәмендә масштаблы бөтенроссия чарасы – Олимпия хәрәкәтенең Махсус Спартакиадасы кысаларында өстәл теннисы буенча ярышлар узды.
Турнирда Россиянең 26 төбәгеннән 250дән артык спортчы катнашты. Татарстан Республикасыннан Чистай, Кама Аланы, Казан социаль хезмәт күрсәтү йортлары җыелма командасы чыгыш ясады.
Татарстанлылар өч алтын медаль яуладылар, шулай ук копилкада бер өченче урын һәм өч дүртенче урын.
30 яшьтән өлкәнрәк ир-атлар арасында ялгыз разрядта беренче алтын медальне Булат Ситдыйков алды. Шул ук дисциплинада дүртенче урынны Николай Зудин һәм Илья Гарифуллин алдылар.
Гөлнара Фәйзуллина һәм Алсу Гарифуллина ялгыз разрядта тагын ике алтын медаль яуладылар.
Катнаш парлы разрядта Николай Зудин һәм Гөлнара Фәйзуллина өченче, Илья Гарифуллин һәм Алсу Гарифуллина дүртенче булдылар.