«Веста» Ышаныч телефоны турында сөйләде
Түбән Каманың «Веста» гаиләгә һәм балаларга социаль ярдәм үзәгенең социаль эш буенча белгече Әлфирә Юнысова «Игелек буыны» отряды волонтерлары белән Кама Аланы балалары һәм яшүсмерләре арасында «Балалар ышаныч телефонына – Әйе!» дигән акция үткәргән.
Чара барышында активистлар Бөтенроссия балалар ышаныч телефоны 8-800-2000-122 номеры язылган 27 мәгълүмати белешмә тараттылар.
Шулай ук алар балаларга һәм яшүсмерләргә әлеге турыдан-туры телефон линиясе барлыкка килү тарихы турында сөйләделәр, конфиденциальлек һәм түләүсез булу – ике төп эш принципларын искәрттеләр.
Әлфирә Юнысова балаларга, психологик хезмәткә мәрәҗәгать итеп, ата-аналар яки дуслар белән низагны ничек кичерергә, яңа мәктәптә ничек күнегергә һ.б. сораулар буенча сөйләшерә мөмкинлекне ассызыклады.
Акциягә йомгак ясап, «Веста»да теләсә нинди тормыш мәсьәләләрендә һәм кыенлыкларда үз туганнарың һәм якыннарың йөзендә фикердәш һәм яклаучы табырга кирәк дигән нәтиҗәгә килделәр.
Яки Балалар өчен ышаныч телефонының бушлай һәм аноним номеры буенча шалтыратырга мөмкин.
Балалар өчен ышаныч телефоны сайтында борчыган сорауларны бирергә, проблемалар исемлеген ачыкларга, шалтыратуга карата шикләр турында фикер алышырга, шулай ук ышаныч телефоны белән бәйләнеш турында кире элемтә калдырырга мөмкин.