Коррупциягә каршы тору буенча комиссия утырышы узды
Бүген Татарстан Республикасы Хезмәт, халыкны эш белән тәэмин итү һәм социаль яклау министры каршындагы Коррупциягә каршы көрәш комиссиясе утырышы узды.
Киңәшмә барышында Министрлык бүлекләре башлыклары һәм министрлык карамагындагы учреждениеләр директорлары докладлары тыңланды.
Халыкны эш белән тәэмин итү өлкәсендә дәүләт гарантияләрен тәэмин итү, инвалидларны эшсез буларак теркәү, социаль әһәмиятле хезмәтләр күрсәтү буенча административ регламентларның үтәлешен тикшереп тору турында докладлар тыңланды.
Шулай ук комиссия әгъзалары республиканың берничә социаль учреждениесендә коррупциягә каршы сәясәт чараларын гамәлгә ашыру мәсьәләләрен карадылар: Баулы муниципаль районындагы «Шәфкать» халыкка социаль хезмәт күрсәтү комплекслы үзәгендә, өчен Лесхоз картлар һәм инвалидлар интернат-йортында, Югары Утар психик тайпылышлары булган гражданнар өчен балалар интернат-йортында, Аксубай муниципаль районындагы «Нежность» халыкка социаль хезмәт күрсәтү комплекслы үзәгендә, Лаеш муниципаль районындагы мөмкинлекләре чикле балалар һәм яшүсмерләр өчен тернәкләндерү үзәгендә, Яр Чаллы шәһәренең «Перекресток» мөмкинлекләре чикле балалар һәм яшүсмерләр өчен социаль адаптация үзәгендә һәм Зәй шәһәренең халыкны эш белән тәэмин итү үзәгендә.