Музейга экскурсия: «Максим» пулеметы, бүре карачкысы, күбәләкләр
Бүген социаль-педагогик тернәкләндерү кысаларында Минзәлә картлар һәм инвалидлар өчен интернат-йортының социаль хезмәт алучылары шәһәрнең туган якны өйрәнү музеенда экскурсиядә булдылар.
Өлкән кешеләр сугыш чоры, ул елларның тормышы һәм көнкүреше турында музей экспонатлары белән таныштылар, шулай ук аларга районның барлыкка килү тарихын искә төшерделәр.
Экскурсантларга Татарстанның Минзәлә районында яшәүче халыкларга караган өй әйберләрен дә күрсәттеләр.
Интернат-йорты карамагындагылар үсемлекләр, бөҗәкләр, хайваннар һәм кошлар коллекциясен карадылар.
Әмма экскурсантлар өчен иң кызыклысы музейның кораллар залы булды.
1943 елгы «Максим» пулеметын яхшы сакланган дияргә була, ул Бөек Ватан сугышыннан соң Ык елгасы ярында табылган.
Музейга экскурсия кебек чаралар өлкән яшьтәге гражданнарның тормышын төрлеләндерергә, аны тагын да мавыктыргыч һәм кызыклы итәргә мөмкинлек бирә.
Социаль хезмәт алучылар туган якны өйрәнү музеена барудан бик күп уңай хис-кичерешләр алды.