Минзәлә халыкка социаль хезмәт күрсәтү комплекслы үзәгендә коррекция дәресе узды

2022 елның 11 августы, пәнҗешәмбе

Дәрес игътибарлыкны һәм кабул итүне, фонематик кабул итүне, хәтерне, гомуми моториканы үстерүгә юнәлдерелгән иде.

Чара «Туп» бармак уеныннан башланды, аннары дәрестә катнашучылар «Логик лабиринт» уйнадылар: бу уенда «Аутизм» җыелмасыннан файдаландылар. Аннары тематик карточкалар ярдәмендә «Савыт-саба» темасын өйрәнделәр, «Урыннарга куй» күнегүен үтәделәр.

Билгеле булганча, даими кабатлауга нигезләнгән дәресләр, мөстәкыйльлек күнекмәләрен формалаштыруга ярдәм итә. Моннан тыш, шундый чаралар гаиләгә көнкүреш мәсьәләләрендә ярдәм итәргә өйрәтә.