Саба районында «Балкыш» комплекслы үзәге карамагындагы өлкәнгә 90 яшь тулды

2022 елның 25 июле, дүшәмбе

23 июль көнне Саба муниципаль районы «Балкыш» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлекчәсе карамагындагы өлкән кеше, Түбән Шытсу авыл җирлегендә яшәүче тыл хезмәтчәне Габдрахманов Салих Габдрахман улы үзенең 90 яшьлек юбилеен билгеләп үтте.

Юбилярны котларга Түбән Шытсу авыл җирлеге башлыгы Б.М. Мәүлетов, социаль яклау бүлеге начальнигы Л.Н. Гайнетдинова, «Шытсу» авыл хуҗалыгы предприятиесе» ҖЧҖ директоры А.А. Билалов килделәр.

Кунаклар юбилярга истәлекле бүләкләр һәм чәчәкләр тапшырдылар, нык сәламәтлек һәм иминлек теләделәр.