Яшел Үзән халыкны эш белән тәэмин итү үзәге эш бирүче көненә чакыра
Яшел Үзән шәһәре халыкны эш белән тәэмин итү үзәге эш эзләүчеләрне яки эшне алмаштырырга теләүчеләрне Россиядә иң эре машина төзелеше предприятиесе, көнкүреш техникасы һәм медицина суыткыч җиһазлары җитештерүче «Серго исемендәге завод» җитештерү берләшмәсе» АҖ катнашында эш бирүче көненә чакыра.
Эш бирүче көнендә түбәндәге вакансияләр тәкъдим ителәчәк: йөк төягече машина йөртүчесе, йөкче, гальваник, ашханә мөдире, бәя кую идарәсе башлыгы урынбасары, элемтә инженеры, инженер-технолог, кассир, кондитер, массажист, шәфкать туташы, пешекче, механик җыю эшләре слесаре, җылылык челтәрләрен ремонтлау буенча слесарь, термист һ.б.
Эш эзләүчеләр предприятиенең кадрлар хезмәте вәкилләре белән очраша, үзләрен кызыксындырган сорауларны бирә, шулай ук хезмәт законнары, мәшгульлек хезмәте күрсәтә торган дәүләт хезмәтләре мәсьәләләре буенча консультация ала алачаклар.
Чара 28 июльдә 10:00 сәгатьтән 12:00 сәгатькә кадәр түбәндәге адрес буенча узачак: Яшел Үзән ш., Татарстан ур., 1 йорт.
Белешмәләр өчен телефон: 5-54-02.
Хезмәтләр бушлай күрсәтелә.