«Кайгырту» приютында балаларны толерантлык рухында тәрбиялиләр

Кичә, 11 июль көнне, Алексеевск районының «Кайгырту» балалар һәм яшүсмерләр өчен социаль приюты тәрбиячесе Наталья Корнева балалар белән толерантлык тәрбияләүгә юнәлдерелгән дәрес үткәрде.

Балаларга берничә күнегү тәкъдим ителде. Шулай ук алар С. Маршакның «Бөтендөнья әйлән-бәйлән» шигырен тыңладылар, анда төрле милләт балалары һәм аларның дуслыгы турында сөйләнелә. Приютта тәрбияләнүчеләр белән илебезнең һәм планетабызның күпмилләтле халкы, телләрнең, диннәрнең һәм культураларның күптөрлелеге турында сөйләштеләр.

Соңыннан балалар иң зур бәхет – тыныч күк астында яшәү дигән нәтиҗә ясадылар. Моның өчен кешеләр башкаларга хөрмәт белән карарга, алар белән әйләнә-тирәдәгеләр арасындагы аермаларга түземле булырга тиеш.