«Шатлык» социаль хезмәт күрсәтү үзәге янгын бүлегенә экскурсия оештырды
Зәй районы «Шатлык» халыкка социаль хезмәт күрсәтү комплекслы үзәге балигъ булмаганнар өчен янгын сүндерү һәм коткару бүлегенә экскурсия оештырды.
Экскурсияне Зәй муниципаль районы буенча күзәтчелек эшчәнлеге һәм профилактик эшләр бүлеге инспекторы Лилия Писарева үткәрде. Балалар тренажер залында, бөтен районнан шалтыратулар кабул ителә торган диспетчерлык залында булдылар. Балалар бик теләп янгын сүндерү машиналарын, авария-коткару җиһазларын, янгын сүндергечләрне карадылар. Янгын сүндерүчеләр белән бергә алар янгын сүндерү буенча өйрәнүдә катнаштылар.
Чара ахырында асфальтта рәсем ясау конкурсы үткәрелде. Барлык катнашучылар да татлы бүләкләр алды.
Мондый очрашулар янгын сүндерүче һөнәренә карата кызыксыну һәм хөрмәт формалаштыра. Балалар янгыннарның төп сәбәпләре белән танышалар, ут белән сак эш итәргә һәм янгын вакытында эш итә белергә өйрәнәләр.