«Веста» үзәге «Үзгәрешләр җиле» клубы дәресләрен үткәрә
«Үзгәрешләр җиле» клубы эше кысаларында Түбән Каманың «Веста» гаиләгә һәм балаларга социаль ярдәм үзәге белгече Гөлназ Веселовская закон белән каршылыклары булган яшүсмерләр һәм куркыныч төркеменә кергән балалар өчен «Пәрәвез» дигән бәйле мөнәсәбәтләр турында трансформация уены оештырды.
Дәрес башында психолог Наталья Емельянова катнашучыларга дисфункцияле гаиләләрдәге төрле рольләр турында сөйләде. Белгеч билгеләп үткәнчә, рольле уенга балалар да җәлеп ителә, киләчәктә алар бу рольләрне үз тормышларына күчерә. Шуннан соң психолог балалар рольләрен санап үтте һәм тасвирлады. Бәйлелеккә тест узгач, күп кенә катнашучылар үзләрендә рольләренең теге яки бу үзенчәлекләрен тапты. Психолог балаларга берничә күнегү башкарырга, шулай ук «Пәрәвез» трансформация уенын уйнарга тәкъдим итте. Бу күнегүләр һәм психологик уен игътибарны тирә-юньдәгеләрнең һәм якын кешеләрнең ихтыяҗларына юнәлтергә мөмкинлек бирде.
Чараның киләсе өлешендә белгеч катнашучыларга ышаныч телефоны, аның эш принциплары турында сөйләде. Шулай ук дәрестә катнашучылар «Синең ышаныч телефоны» дигән белешмәлек алдылар.