Минзәлә интернат-йортында күңелле Сабантуй

2022 елның 4 июле, дүшәмбе

1 нче июль көнне Минзәлә өлкәннәр һәм инвалидлар өчен интернат-йортында матур һәм кызыклы Сабантуй узды. Бәйрәмнең кунаклары һәм алып баручылары С. Өметбаев исемендәге Минзәлә татар дәүләт драма театры артистлары Ленар һәм Илсинә Миннемуллиннар булды.

Бәйрәмдә артистлар башкаруында матур җырлар яңгырады. Шулай ук дәртле биюләр, күңелле уеннар һәм конкурслар да булды. Аларда катнашкан өчен интернат-йортта яшәүчеләр бүләкләр алды.

Социаль хезмәт алучылар бу көнне күңелле итеп үткәрделәр. Алар бәйрәм кунакларына һәм оештыручыларга игътибарлары һәм кызыклы ял өчен рәхмәт белдерделәр.