«Наз» үзәге үз карамагындагыларны юбилейлары белән котлады

2022 елның 4 июле, дүшәмбе

Балтач районының «Наз» халыкка социаль хезмәт күрсәтү комплекслы үзәгендә икеләтә бәйрәм булып узды. 1 июль көнне өйдә социаль хезмәтләр алучылар Гафифәбану Мифтәхова һәм Зөлхәбирә Шәрәфетдинова 90 яшьлек юбилейларын билгеләп үттеләр.

Юбилярларга Россия Федерациясе Президенты Владимир Путин исеменнән котлау хаты, Балтач муниципаль районы, авыл җирлеге, социаль яклау бүлеге исеменнән, шулай ук соңгы эш урыныннан рәхмәт хатлары һәм кыйммәтле бүләкләр тапшырылды. Шулай ук өлкәннәрне социаль хезмәткәрләр Гөлгенә Шиһабетдинова һәм Рамилә Гомәрова котлады.