Лениногорскилыларга балалы гаиләләргә ярдәм чаралары турында сөйлиләр

2022 елның 30 июне, пәнҗешәмбе

29нчы июнь көнне «Демография» милли проектын тормышка ашыру кысаларында Лениногорск районы «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Гөлнара Пряничникова мәгълүмати-аңлату минуты оештырды.

Социаль хезмәтләр алучыларга законда каралган түләүләр, ташламалар һәм пособиеләр турында сөйләделәр. Шулай ук социаль педагог балигъ булмаган балаларның ата-аналары сорауларына да җавап бирде. Барлык теләүчеләргә Татарстан Республикасы дәүләт һәм муниципаль хезмәтләр порталында гариза бирүдә ярдәм күрсәтелде.