Инвалидларны тернәкләндерү һәм абилитацияләү буенча чараларны гамәлгә ашыручы белгечләр һөнрәри компетенцияләрен камилләштерәләр
Министрлыкның Республика ресурс үзәге тарафыннан инвалидларны, шул исәптән үсешләрендә тайпылышлары булган балаларны тернәкләндерү һәм абилитацияләү буенча хезмәт күрсәтүче социаль өлкә белгечләрен өстәмә һөнәри укыту буенча системалы эш гамәлгә ашырыла.
2022 елның беренче яртыеллыгында квалификацияне күтәрүнең өстәмә һөнәри белем бирү программалары буенча белгечләрне укыту оештырылды, шул исәптән:
- «Логопедның балалар белән эше, шул исәптән башлангыч ярдәм программаларында»;
- «Неврология практикасында эрготерапия»;
- «Адаптив физик культураның гамәли аспектлары».
Курсларда Идел буе физик культура, спорт һәм туризм университеты, Казан дәүләт медицина академиясе – Россия өзлексез һөнәри белем бирү медицина академиясе филиалы профессорлары, укытучылар составының әйдәп баручы вәкилләре, максатчан төркем белән эшләү тәҗрибәсе зур булган практик белгечләр чыгыш ясады.
Шулай ук 12 майда «Интеллектуаль тайпылышлары булган кешеләрне гендер тәрбияләү һәм социаль үстерү» дип аталган укыту семинары булды. Шуны да билгеләп үтәргә кирәк, җенси тәрбия мәсьәләләре социаль-тернәкләндерү процессында иң авыр мәсьәләләрнең берсе булып тора. Семинарда С.В. Андрееваның авторлык методикасы тәкъдим ителде. Ул дәвалау педагогикасы һәм дифференциацияләнгән укыту үзәге педагог-психологы (Псков өлкәсе), шулай ук акыл бозылулары һәм күп төрле бозулары булган балалар гаиләләре белән консультатив диагностика үткәрү буенча методик киңәшләр авторы.
С.В. Андрееваның киңәшләре Интеллектуаль тайпылышлары булган, авыр тайпылышлары булган балаларны комплекслы озата бару системасын үстерү федераль ресурс үзәге тарафыннан бастырылды.
64 белгеч укуларын уңышлы тәмамладылар һәм алган һөнәри компетенцияләренең югары актуальлеген һәм гамәли әһәмиятен билгеләп үттеләр.
Бүгенге көндә «Сәламәтлегендә тайпылышлары булган затлар өчен физик культура (адаптив физик культура)» программасы буенча алты кешене укыту дәвам итә, ул белгечләргә һөнәри эшчәнлекнең яңа төрен алып барырга һәм күрсәтелә торган социаль хезмәтләрнең спектрын киңәйтергә мөмкинлек бирәчәк.
